எது பெரியது?

எது பெரியது?

ஆன்மீகமா?
அறிவியலா?

மரணத்தை
வெல்லும் ஒருவர்
இப்பூவுலகில்
பிறக்கும் வரை
 ஆன்மீகமே
பெரியது

அப்படியொருவர்
பிறந்த பிறகோ
அல்லது
அப்படியொருவரை
அறிவியல்
கண்டுபிடித்த பிறகு
அறிவியலை
ஆன்மீகத்தோடு
ஒப்பீடு செய்யலாம்

அது வரை
ஆன்மீகத்தை
ஆதரிப்போம்
ஆராதிப்போம்

சு.க.சு.

புன்னகை

அறிமுகத்தின் அடிப்படை
ஆழ்மனதின் அடையாளம்
பொன்நகை பொறாமை தரும்
புன்னகை ஆனந்தம் தரும்
பரிமாறிக் கொண்டால்
பன்மடங்கு ஆகிவிடும்

- சு.க.சு

நட்பு

அன்னைக்கும் மேலே,
ஆறுதல் கூறி,
இன்முகம் காட்டி,
ஈருயிர் ஓருயிராய் ஆக்கி
உயிரில் உணர்வில் கலந்து
ஊரெங்கும் சுற்றி திரிந்து
என் நட்பென்று பெருமை பேசி
ஏக்கமும் பகிர்ந்து
ஐயங்கள் தகர்த்து
ஒரு கூட்டு கிளியாக
ஓராயிரம் ஆண்டு வாழ்ந்து
ஔடதம் பேசும் உன்னத உறவு நட்பு!

- சு.க.சு

தமிழ் தேவதை

துக்கம் தொலைப்பதும் அவளாலே..
தூக்கம் மறப்பதும் அவளாலே..
அமைதி பெறுவதும் அவளாலே..
ஆனந்தம் அடைவதும் அவளாலே..
கண்ணீர் மலர்ந்ததும் அவளாலே..
கவலைகள் மறந்ததும் அவளாலே..
அவள் இதயம் பறிக்கும் சராசரி பெண்ணல்ல..
இதயத் துடிப்பாய் இருக்கும் தமிழ் எனும் தேவதை..

 - சு.க.சு.